Təhsil naziri Misir Mərdanov Azərbaycanda müəllimlərin işə qəbuluna dair yeni əmr imzalayıb. Modern.az-ın məlumatına görə, nazir 2012-ci ildə respublikanın ümumi təhsil müəssisələrində vakant yerlərə müəllimlərin işə qəbulu üzrə işlərə başlanması üçün Təhsil Nazirliyinin müvafiq komissiyasına (Aparatın rəhbəri İ.Pirməmmədov, Ali və orta ixtisas təhsili şöbəsinin müdiri İ.Mustafayev, Strateji təhlil, planlaşdırma və kadrların idarə olunması şöbəsinin müdiri F.Qədirov, Texniki peşə təhsili şöbəsinin müdiri N.Məmmədov, Ümumi şöbənin müdiri X.Fərəcov) tapşırıqlar verib.
Əmrə əsasən, komissiya məllimlərin işə qəbulunda yeni mexanizmlərin tətbiqi məqsədilə "Respublikanın ümumi təhsil, ilk peşə-ixtisas təhsili və orta ixtisas müəssisələrinə müəllimlərin vakant yerlərə işə qəbulu Qaydaları"nın işlənib hazırlanmasını təmin etməli və qeydiyyatdan keçmək üçün Azərbaycan Respublikası Ədliyyə Nazirliyinə təqdim etməlidir.
Bundan başqa, komissiya saxta diplomla, habelə qanunsuz (lisenziyası olmadan) fəaliyyət göstərən təhsil müəssisələrinin verdiyi diplomla müəllim işləyənlərlə əmək müqaviləsinin ləğvi barədə rayon (şəhər) təhsil şöbələrinə (idarələrinə) və müvafiq təhsil müəssisələri rəhbərlərinə məktub göndərilməsi təmin etməlidir 

“Xarici əlaqələr üzrə Avropa İttifaqı” ümumavropa analitik mərkəzi özünün “Avropa İttifaqının xarici məsələlər üzrə göstəricisi” adlı məruzə hazırlayıb. ANS PRESS-in məlumatına görə, məruzədə Dağlıq Qarabağ münaqişəsinə də toxunulub. Analitik mərkəz Azərbaycan-Ermənistan münasibətlərinin ötən il daha da kəskinləşdiyini və bu faktın Dağlıq Qarabağda müharibə ehtimalının artmasına gətirib çıxardığı qənaətinə gəlib. 

Azərbaycan Dövlət Neft Şirkəti (ARDNŞ) London birjasında avrobondların debüt emissiyasının yerləşdirilməsini uğurla başa çatdırıb

ARDNŞ-dən «APA-ECONOMICS»ə verilən məlumata görə, avrobondların yerləşdirilməsi investorlar arasında yüksək marağa səbəb olub və nəticədə, 290 investor tərəfindən verilən sifarişlərin ümumi həcmi 4,6 mlrd. ABŞ dolları təşkil edib.
Avrobondların buraxılışının ümumi məbləği 500 mln. dollar, gəlirlik illik 5,45% səviyyəsində müəyyən edilib. Avrobondların ödənilməsi müddəti 2017-ci ilə qədərdir. Avrobondlar ABŞ-nın Qiymətli Kağızlar haqqında Aktın «Regulation S» hissəsinə əsaslanaraq buraxılıb.
«Citigroup», «Deutsche Bank» və «Royal Bank of Scotland» bankları avrobond emissiyası üzrə birgə əsas idarəçilər qismində, «Nomura» və «Societe Generale Corporate & Investment Banking» bankları isə birgə idarəçilər qismində çıxış edib.
Avrobondlar İngiltərə (46%), Avropa (38%), ABŞ-ın offşor (12%) və Asiya (4%) investorları arasında yerləşdirilib. Yerləşdirmə nəticəsində Avrobondların 63%-i fond idarəçiləri, 16%-i banklar, 11%-i sığorta şirkətləri və pensiya fondları, 10%-i isə hedc fondları tərəfindən alınıb.
Qeyd edək ki, avrobondlara «Fitch» reytinq agentliyi tərəfindən «BBB-», «Moody’s» agentliyi tərəfindən isə «Ba1» reytinqi təyin edilib. ARDNŞ-in korporativ uzunmüddətli reytinqi «Fitch» tərəfindən «BBB-» (sabit proqnoz), «Standard & Poor’s» agentliyi tərəfindən «BB+» (sabit proqnoz) və «Moody’s» agentliyi tərəfindən «Ba1» (sabit proqnoz) kimi qiymətləndirilib.
  

Yenicə “Dəli eşq” adını yaraşdırdığı albomunu musiqisevərlərə teqdim edən əməkdar artist, Rəşid Behbudov adına Mahnı Teatrının solisti Lalə Məmmədovanın daha iki musiqi toplusu hazırlanacaq. Bu barədə Milli.Az-a müğənninin mətbuat katibi İlkin Babayev məlumat verdi.  “Özəllik ondadır ki, hazırlanacaq hər iki disk Qırğızıstan Mədəniyyət və İnformasiya Nazirliyi və Türkdilli Ölkələrin Siyasətinə Dəstək Fondunun dəstəyi ilə həm dəli “Dəli eşq”, həm də türk mahnılarından ibarət yeni diski işıq üzü görəcək. Bu albomlar həm Qırğızıstanda, həm də bütün türk dunyasında satışa çıxarılacaq. Albomlar hazır olandan sonra Lalə xanım Bişkekə səfər edərək təqdimat mərasimlərinə özü də qatılacaq”.  

Moskvada Azərbaycan, Tacikistan və Özbəkistan vətəndaşlarından ibarət narkotik alveri ilə məşğul olan böyük qrup zərərsizləşdirilib. APA-nın Moskva bürosunun məlumatına görə, paytaxt polisi tərəfindən zərərsizləşdirilən qrupun üzərindən 1 milyon ABŞ dolları dəyərində narkotik vasitə sayılan heroin aşkarlanaraq götürülüb.

Aparılan araşdırmalar nəticəsində məlum olub ki, dəstə üzvləri heroini Orta Asiyadan gizli yolla Moskvaya gətiriblər. Onlar heroini müştərilərinə satarkən pulu nağd şəkildə qəbul etməyiblər, bank hesabı açaraq müştərilərdən pulu həmin hesaba köçürmələrini tələb ediblər. Pul onların hesabına köçürüləndən sonra isə müştərilərə heroinin harada olduğu barədə xəbər verilib.
Rusiya Narkotiklərə Qarşı Federal Mübarizə Xidməti əməkdaşları dəstə üzvlərinin adlarını da açıqlayıblar. Bunlar Akim İbrahimov, Azər Abbasov və Əziz Ziyayev və Natiq adlı şəxslərdir.

Son iki gündə havaların kəskin soyuq keçməsi ilə əlaqədar Bakının rayonlarına elektirik enerjisinin verilməsində problemlər yaranıb. Bəzi rayonlara elektirik enerjisinin verilişi hələ də bərpa olunmayıb. “Qafqazinfo”ya gələn şikayət zəngləri sırasında Suraxanı rayonunun, Yeni Suraxanı qəsəbəsinin sakinlərinin şikayətləri də yer alıb. Onlar müraciətlərinə baxılmadığını və artıq iki gündür ki, işiqlarının verilmədiyini bildiriblər. 

Ukraynada keçirilən güləş üzrə yeniyetmə qızlar arasında beynəlxalq turnirə yekun vurulub. Krivoy Roq şəhərində baş tutan yarışda Azərbaycan milli komandasının qazancı 7 medal olub.
Daha dəqiq desək, yeniyetmə qızlarımız 1 qızıl, 3 gümüş və 3 bürünc medal qazanıblar. 40 kq çəki dərəcəsində mübarizə aparan bahadırımız Sahilə Ələkbərova bütün rəqiblərini məğlub edərək fəxri kürsünün birinci pilləsinə qalxıb. 
Gümüş medalları isə yığmamıza çəkisi 44 kq olan Pavliv Alyona, Kolesnik Alyona (56 kq) və döşək üzərinə çıxan Korina Darya (70 kq) qazandırıb. Arzu Əliyeva, Almaz İsmayılova və Aqnetta Qurbanzadə həlledici görüşdə qələbə qazanaraq bürünc medala sahib çıxıblar. 
Digər 3 idmançımız isə məğlub olaraq turiniri medalsız başa vurublar. Onu da qeyd edək ki, yarışda ümumilikdə 117 güləşçi iştirak edib.
  

Yanvar ayında özünü öldürənlərin üçü məktəblidir

2012-ci ilin ilk ayında Azərbaycanda 36 intihar hadisəsi qeydə alınıb. Modern.az saytı rəsmi mənbələrin açıqladığı məlumatlara istinadən bildirir ki, ay ərzində 3 məktəbli və yeniyetmə (iki oğlan, bir qız) özünü öldürüb.
Siyəzən rayonunda 16 yaşlı Namiq Natiq oğlu Hüseynov yaşadığı evin çardağında özünü asıb. Masallı rayonu, Köhnə Zuand kənd sakini, 15 yaşlı Nuranə Şahbazova yaşadığı evdə özünü asıb. Binəqədi rayonunun Xocəsən qəsəbəsində yaşayan, 16 yaşlı İsmayıl Gülqədəm oğlu Vəliyev yaşadığı evdə özünü asıb. Bu üç intiharın hansı səbəblərdən baş verdiyi açıqlanmayıb. 
2012-ci ilin ilk intihar hadisəsi Tovuz rayonunda baş verib. Ayın 1-də Qəribli kənd sakini Fərmayıl Hacıyev sərxoş vəziyyətdə özünü ov tüfəngindən atəş açaraq güllələyib. Həmin gün Ağdam rayonundan məcburi köçkün, Bərdə rayon Meşəçilik İnstitutunun binasında məskunlaşan 40 yaşlı Yavər Əhmədov da üzərinə yandırıcı maddə tökərək, özünə od vurub. Ağır xəsarətlər alan məcburi köçkün əvvəlcə Mingəçevir şəhər xəstəxanasına, oradan Bakıya 5 saylı şəhər xəstəxanasına gətirilsə də, həyatını xilas etmək mümkün olmayıb. O, yanvarın 5-də dünyasını dəyişib 

Azərbaycanın dunya birliyinə inteqrasiyası, hökumətimizin apardığı xarici siyasətin ən önəmli xəttidir. Bu sahədə dövlət başçısı, prezident İlham Əliyevin son illər gördüyü işlər, keçirdiyi görüşlər, həmçinin beynəlxalq təşkilatların keçirdiyi tədbirlərdə iştirakı ölkəmizin nüfuzunun daha da artmasına xidmət edir. Bu yaxınlarda prezident İlham Əliyevin Davosda keçirdiyi görüşlər də bunu bir daha təsdiq etdi. Prezident İlham  Əiyev keçirdiyi bütün görüşlərdə ölkəmizin mövqeyini ən yüksək səviyyədə müdafiə etməklə eyni zamanda, beynəlxalq qurumlarla sıx əməkdaşlıqda marqlı olduğunu da ortaya qoyub.

Azərbaycanda bu gün "bomj" adlandırılan tüfeyli həyat tərzi keçirən evsiz adamların problemləri ilə xeyriyyəçilik institutları məşğul ola bilərlər. 
Onun sözlərinə görə, bu gün Azərbaycanda bu qəbildən olan adamlar çox azdır və onlar əsasən alkoqoliklərdir.
"Azərbaycanda yaşlı insanlarla bağlı "Ahılların sosial xidmət haqqında" və digər qanunlar qəbul olunub. Bu, ölkədə kütləvi hal, katastrofik vəziyyət deyil ki, bunun üçün ayrıca qanun qəbul edək", - Rəcəbli deyib.
Rəcəbli Macarıstanı misal çəkərək deyib ki, həmin ölkənin təxminən 10 milyona yaxın əhalisinin 240 mini bu qəbildən olan insanlardır. O qeyd edib ki, Avropada belə insanlara daha çox rast gəlmək olur və onların problemlərini xeyriyyəçilik institutları həll edir.
Hüquq müdafiəçisi Sahib Məmmədov isə Trend-ə bildirib ki, bu problem ən inkişaf etmiş ölkələrdə də var.
"Onların hamısını evlə təmin etmək mümkün deyil, çünki bu, müəyyən sosial proseslərin nəticəsində əmələ gələn məsələdir və sonra başqaları da ortaya çıxır", - o deyib 

KƏBƏ ÜZƏRİNƏ ENƏN MƏLƏKƏLR

bütün videolar